by Sot Dimong
Pip គឺជាឯកតាតូចមួយសម្រាប់វាស់ចលនាតម្លៃនៅក្នុង Forex។ នៅពេលតម្លៃរូបិយប័ណ្ណឡើង ឬចុះបន្តិច Trader ភាគច្រើនមិននិយាយថា “ឡើង 0.0001” ឬ “ចុះ 0.0001” ទេ ប៉ុន្តែគេនិយាយថា “ឡើង 1 pip” ឬ “ចុះ 1 pip”។
សម្រាប់គូរូបិយប័ណ្ណភាគច្រើន ដូចជា EUR/USD ឬ GBP/USD, 1 pip ស្មើនឹង 0.0001។ ឧទាហរណ៍ ប្រសិនបើ EUR/USD ផ្លាស់ពី 1.0850 ទៅ 1.0851 នោះមានន័យថាតម្លៃបានឡើង 1 pip។
សម្រាប់គូខ្លះដែលមាន JPY ដូចជា USD/JPY តម្លៃ pip ខុសបន្តិច។ ជាទូទៅ 1 pip ស្មើនឹង 0.01។ ឧទាហរណ៍ ប្រសិនបើ USD/JPY ផ្លាស់ពី 150.20 ទៅ 150.21 នោះគឺឡើង 1 pip ដែរ។
តោះមើលឧទាហរណ៍ងាយៗ៖
តាមរយៈឧទាហរណ៍នេះ អ្នកអាចមើលឃើញថា Pip មិនមែនជាចំនួនលុយទេ ប៉ុន្តែជាចំនួនចលនាតម្លៃ។ ចំនួនលុយដែលអ្នកចំណេញ ឬខាតពីចំនួន pip ទាំងនោះ អាស្រ័យលើ Lot size ដែលអ្នកប្រើ។
Lot គឺជាឯកតាសម្រាប់វាស់ទំហំការជួញដូរ។ នៅពេលអ្នកបើក Buy ឬ Sell មួយ អ្នកត្រូវជ្រើសថាចង់បើកទំហំប៉ុន្មាន។ ទំហំនោះត្រូវបានបង្ហាញជា lot។
នៅក្នុង Forex មាន lot ទំហំខុសៗគ្នា ដែលអ្នកចាប់ផ្តើមគួរស្គាល់៖
អ្នកអាចយល់សាមញ្ញថា lot គឺជាកម្រិតធំតូចនៃការជួញដូរ។ បើ lot ធំ ចលនាតម្លៃតែបន្តិចក៏អាចបង្កើតចំណេញ ឬខាតច្រើន។ បើ lot តូច ការប្រែប្រួលដូចគ្នានឹងមានឥទ្ធិពលលើគណនីតិចជាង។
Lot សំខាន់ណាស់ ព្រោះវាកំណត់ថា 1 pip មានតម្លៃប៉ុន្មានសម្រាប់ការជួញដូររបស់អ្នក។ ទោះបីតម្លៃទីផ្សារផ្លាស់ទីដូចគ្នាក៏ដោយ បើអ្នកប្រើ lot ធំ អ្នកនឹងចំណេញ ឬខាតលឿនជាងអ្នកប្រើ lot តូច។
សម្រាប់ការយល់ដំបូង អ្នកអាចគិតថា៖
នេះហើយជាមូលហេតុដែលអ្នកចាប់ផ្តើមភាគច្រើនគួរចាប់ផ្តើមពី lot តូច ដើម្បីហ្វឹកហាត់យល់ពីទីផ្សារ និងការគ្រប់គ្រងអារម្មណ៍សិន មុនពេលប្រើទំហំធំ។
Spread គឺជាគម្លាតរវាងតម្លៃ Buy និង Sell។ នៅពេលអ្នកមើលតម្លៃនៅលើ broker អ្នកនឹងឃើញថា តម្លៃទិញ និងតម្លៃលក់មិនស្មើគ្នាទេ។ គម្លាតតូចមួយនោះហៅថា Spread។
ឧទាហរណ៍ បើ EUR/USD មាន៖
គម្លាតរវាងតម្លៃទាំងពីរនេះគឺ 2 pips។ នេះមានន័យថា នៅពេលអ្នកបើកបញ្ជាភ្លាម អ្នកចាប់ផ្តើមជាមួយការខាតតិចៗមុនសិនស្មើនឹង spread ហើយត្រូវរង់ចាំអោយតម្លៃរត់ទៅទិសអ្នក ដើម្បីឆ្លងកាត់ spread សិន មុននឹងទៅដល់ចំណេញ។
Trader ថ្មីៗជាច្រើនមើលរំលង spread ប៉ុន្តែវាសំខាន់ណាស់។ ប្រសិនបើអ្នកចូលចេញទីផ្សារញឹកញាប់ spread អាចបន្ថែមការចំណាយរបស់អ្នកជាបន្តបន្ទាប់។ ពេលខ្លះ ទោះបីអ្នកទស្សន៍ទាយទិសត្រឹមត្រូវក៏ដោយ បើទីផ្សាររត់តិចពេក អ្នកអាចមិនទាន់ចំណេញ ព្រោះត្រូវឆ្លងកាត់ spread ជាមុនសិន។
ជាទូទៅ គូរូបិយប័ណ្ណធំៗ ដូចជា EUR/USD ឬ GBP/USD ជាញឹកញាប់មាន spread ទាបជាងគូខ្លះផ្សេងទៀត។ តែ spread ក៏អាចធំឡើងនៅពេលទីផ្សារមានភាពប្រែប្រួលខ្លាំង, ពេលមានព័ត៌មានសំខាន់ ឬពេល liquidity ទាប។
ពាក្យទាំងបីនេះធ្វើការជាមួយគ្នា៖
ឧទាហរណ៍ បើអ្នកបើកបញ្ជា 0.01 lot ហើយទីផ្សារឡើង 20 pips អ្នកអាចមានចំណេញតិចមួយ។ ប៉ុន្តែបើអ្នកបើក 1.00 lot ហើយទីផ្សារឡើង 20 pips ដូចគ្នា ចំណេញនឹងធំជាងច្រើន។ ទោះជាយ៉ាងណា បើទីផ្សារចុះវិញ ការខាតក៏ធំឡើងដូចគ្នា។
ហើយបើ spread ជា 2 pips នោះចលនាតម្លៃ 20 pips ពិតប្រាកដសម្រាប់អ្នក មិនមែនចាប់ផ្តើមពីសូន្យទេ តែត្រូវដកចេញ spread ជាមុនសិន។
សូមស្រមៃថា អ្នកបើក Buy EUR/USD នៅតម្លៃ 1.1000 ជាមួយ 0.01 lot ហើយ spread = 2 pips។ បន្ទាប់មក តម្លៃឡើងទៅ 1.1010។ នេះមានន័យថា ទីផ្សារឡើង 10 pips ប៉ុន្តែអ្នកត្រូវឆ្លងកាត់ spread 2 pips មុនសិន ដូច្នេះចលនាដែលមានប្រយោជន៍ពិតប្រាកដសម្រាប់អ្នក គឺតិចជាង 10 pips បន្តិច។
បើអ្នកបើក lot ធំជាងនេះ ចំណេញនឹងកើនឡើង ប៉ុន្តែហានិភ័យក៏កើនដូចគ្នា។ ដូច្នេះការយល់ពី pip, lot និង spread មិនមែនសម្រាប់ចងនិយមន័យប៉ុណ្ណោះទេ ប៉ុន្តែសម្រាប់សម្រេចចិត្តពិតនៅពេលជួញដូរ។
សង្ខេបមេរៀនទី៣:
បើអ្នកទើបចាប់ផ្តើម សូមកុំផ្តោតតែលើការរកចំណេញរហ័ស។ អ្វីដែលសំខាន់ជាងគេគឺ ត្រូវយល់អោយច្បាស់ថា តម្លៃផ្លាស់ទីប៉ុន្មាន pip, អ្នកបើកទំហំប៉ុន្មាន lot និង spread ប៉ះពាល់ដល់ការជួញដូររបស់អ្នកយ៉ាងដូចម្តេច។
ការយល់ច្បាស់លើគោលគំនិតទាំងនេះ នឹងជួយអោយអ្នកមិនច្រឡំពេលរៀនពី Order, Stop Loss, Take Profit និងការគ្រប់គ្រងហានិភ័យនៅមេរៀនបន្ទាប់ៗ។
សូមត្រៀមខ្លួនសម្រាប់មេរៀនបន្ទាប់៖ “មេរៀនទី៤៖ ប្រភេទ Order ក្នុង Forex”។
